Gaur goizean iritsi da kexa erredakziora: Arrantzale Kaleko kontainerretan, Kutxa atzean daudenetan zehazki, badira hilabeteak altzari zaharrak jasotzeko egunak errespetatzen ez direla.
Herenegun goizean zen bilketa eguna, eta kamioiak bertan pilatutako traste zahar mordoa eraman zituen. Atzo, ordea, baten batek argazkiko labe zaharra utzi zuen kontainerren ondoan, eta bizilagunen arabera, hortxe egongo da datorren bilketa eguna bitartean; alegia, aste pare bat-edo emango ditu kalean.
Trasteak biltzeko egunak errespetatzeko eskatzen dute bizilagunek, edo bestela, bota beharrekoak garbigunera eramateko.