Foru Aldundiak 51.160 euro jarriko ditu Karela kiroldegiaren birgaitze lanetarako. Diru horrekin, instalakuntzak hobetu nahi dira herritarrei zerbitzu hobea eskaintzeko. Kirol ekipamenduak bilmoldatu, berritu, ordeztu eta lekualdatzeko 2017-2020 agintaldiko Gipuzkoako Kirol Ekipamenduan Planaren esparruan sartzen da ekarpen ekonomiko hori. Instalazio berriak eraikitzearen ordez, eginda daudenak berritzearen aldeko apustua egin du Aldundiak.
Obrak gauzatzea Orioko Udalaren ardura izango da, eta amaituta egon beharko dute 2018ko abenduaren 31a baino lehen. Orioko Udalak eta Aldundiak lankidetzaren balorazio ona egin dute. Beren hitzetan, “garai hauetan inoiz baino beharrezkoagoa da baliabide publikoak modu eraginkorrean erabiltzea, erakundeen arteko lankidetzatik abiatuz.”
Mutiozabal ontziolara bisita
Hitzarmena sinatu ostean, Mutiozabal ontziolan izan dira agintariak. Bertan, Itxasok gogora ekarri du Gipuzkoak itsasoarekin eta ontzigintzarekin izan duen lotura. “Itsasoa gure nortasuna da, eta Aldunditik ahalegin berezia ari gara egiten ondare hori bizirik mantentzeko. Mutiozabal ontziola euskal ontzigintzaren tradizioaren erakusle bikaina da, eta guri dagokigu memoria bizirik mantentzeko ondarea babestea”.
