Orioko pilotariak, Gipuzkoako lau t'erdiko txapelketan lehian asteburuan

Orioko pilotariak, Gipuzkoako lau t'erdiko txapelketan lehian asteburuan

Aritz Lertxundi Makazaga eta Jon Zendoia Illarramendi herritarrek partida bana jokatuko dute txapelketako lehenengo jardunaldian.

Gipuzkoako Lau t'erdiko txapelketan parte hartuko dute asteburu honetan Orioko Pilota Elkarteko Aritz Lertxundi Makazagak eta Jon Zendoia Illarramendik.

Lehenengoak larunbatean, apirilak 14, Zumaiako Aitzuri pilotalekuan jokatuko du 18:00etan. Zendoia berriz, ostiralean, hilaren 13an, Villabonako Behar Zanan arituko da lehian arratsaldeko 19:30ean.