Bidasoa eskubaloi taldean izango da Jon Azkue oriotarra datozen bi denboraldietan: bi urterako kontratua sinatu zuen jokalariak atzo.
2011-2012 denboraldian iritsi zen Azkue Bidasoara, Arratetik. Bidasoako erreferenteetako bat izan da ordutik, eta hala izaten jarraitzea nahi du Bidasoaren zuzendaritzak. Eskubaloi jokalari oriotarrak ere Bidasoan jarraitzeko borondatea erakutsi du, eta zazpi urte hauetan bere lehentasuna horixe izan dela gaineratu du.
Bestetik, urte guzti hauetan klubarekin, jokalariekin eta afizioarekin sortutako harremanak balorean jarri ditu; eta hori eskertzeko modua onena ematen saiatzea dela azaldu du.
Europan jokatzeko eskaintzak jaso ditu azkenaldian Azkuek, baina momentuz kontuan ez hartzea erabaki du. Bidasoa maila horretara iristearen esperantza du oriotarrak.