karkara.eus

Asteburuetan plaza zirkulazioari irekitzearen komenientzia aztergai

  gizartea  Orio

Kultur etxean elkartuko dira bihar 20:15ean, eta gaiarekin interesa izan dezakeen edonor gonbidatu du udalak bertan parte hartzera.

Udalak bilera irekia deitu du, asteburuetan plaza zirkulazioari irekitzearen komenientzia aztertzeko. 20:15ean elkartuko dira kultur etxeko areto nagusian eta bileran parte hartzera gonbidatu dituzte interesa izan dezaketen herritarrak: dendari eta tabernariak, herriko elkarteetako ordezkariak eta, oro har, herriko bizilagunak.

Arkupe elkarteak aurkeztutako eskari bati erantzunez, udaleko Obra eta Zerbitzuetako batzordeak apirilean onartu zuen plaza berriro irekitzea zirkulaziorako asteburuetan, maiatzetik hasita. Herriko hainbat talde eta norbanako ez daude ados erabaki horrekin eta hala adierazi diote udalari, beren arrazoiak azalduz. Hori ikusita, udalak berriro planteatu nahi du gaia eta, horretarako, herritarren iritziak jaso nahi ditu bilera ireki baten bidez.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa