Orioko Futbol Taldeak denboraldi amaierako festa egin du asteburuan

180 lagun bildu ziren larunbatean Orioko Futbol Taldearen denboraldi amaierako festan.

Orioko Futbol Taldeak denboraldi amaierako festa egin zuen larunbatean. 180 lagun bildu ziren denera, zuzendaritza taldeko kideak, entrenatzaileak eta futbol jokalariak. Antolatzaileek azaldu dutenez "giro polita" izan zen jaialdian, eta hainbat sari ere banatu zituzten jokalarien artean. Dena dela, zuzendaritzatik azaldu dute denboraldi amaierako festan ez direla jokalari onenak saritzen, entrenatzaile bakoitzak erabakitzen baitu zein izango den oroigarria jasoko duen jokalaria; urte osoan entrenamendu bakar batera ere huts egin ez duen jokalaria, edo lesio luze bat izan duen jokalaria saritu dituzte aurten, besteak beste.

Bestalde, Orioko Futbol Taldeko zuzendaritzak eskerrak eman dizkie bazkaria prestatzen lagundu duten laguntzaileei.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!