Gurutze Gorriak uda sasoian Gipuzkoako hondartzetan egin dituzten osasun laguntzen eta erreskateen berri eman du, eta nabarmendu dute Orioko hondartzan 35 erreskate egin dituztela. Horrez gain, zauriak, kontusioak eta ebakiak artatu dituzte sorosleek, baita intsektu eta xabiroi ziztadak ere.
Oro har, Gipuzkoa osoko datuak kontutan hartuta, iazko datuekin konparatuz osasun laguntzak eta erreskate kopurua jaitsi egin dela azaldu dute; dena dela, gehitu egin da osasun zentroetara bideratu behar izan dituzten kasuen kopurua, eta hondartzan galdutako lagunena.