karkara.eus

Aparkatzeko erloju gehiago banatuko dituzte Orioko Udalak eta Arkupek

  gizartea  Orio

Sistema berria martxan jarri zenetik 5.000 erloju banatu dira herritarren eta bisitarien artean eta orain beste mila egin dituzte Udalak eta Arkupek.

Udalak eta Arkupe merkatarien elkarteak hala adostuta, Orioko erdiguneko aparkamendu-sistema aldatu zen uztailean. Sistema berriaren arabera, erdigunean aparkatu nahi duenak kartoizko erloju bat jarri behar du bistan bere autoan, eta horrekin markatu noiz aparkatu duen.

Sistema berria martxan jarri zenetik 5.000 erloju banatu dira herritarren eta bisitarien artean eta orain beste mila egin dituzte Udalak eta Arkupek. Mila horiek ere orain arte bezala banatuko dira, doan, lehengo tokietan.

Doan banatuko diren azken erlojuak

Orain arte doan eman zaio erlojua eskatu duenari; eta oraindik ere hala emango dira, erlojuen kostua erdibana ordainduko dute-eta Udalak eta Arkupek. Hala ere, banatzeko geratzen diren mila erloju horiek izango dira doan banatuko diren azkenak.

Udalak eta Arkupek, beraz, jakinaren gainean jarri nahi dituzte herritarrak, kontuan hartu dezaten.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa