Aiako Akelarre kultur elkarteak Joxean´s Hileben pelikularen proiekzioa antolatu du datorren ostiralerako. Beñat Iturriozek eta Xabi Padinek egindako filma kultur etxean emango da, arratsaldeko sei t´erdietatik aurrera, eta proiekzioa 16 urtetik gorako lagunei zuzendua dago.
Joxean´s hileben pelikulan, Jon Tomas eta Josu-Jon Tomas zientzialariak soldadu karlistak berpizten hasiko dira, Zumalakarregirekin egin zuten bezala. Partidu Nazionalista Banpiroko kideek, ordea, beraien nagusigo politikoa eta biziraupena arriskuan ikusiko dute, eta Agirre lehendakaria berpiztea erabakiko dute, zombie karlistei aurre egiteko. Filma B generokoa da, eta umore kutsu handia du.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!