Ostiralean gospel kontzertua izango da elizan eta haur-parkea kiroldegian

Ostiralean gospel kontzertua izango da elizan eta haur-parkea kiroldegian

Datorren ostiralean, abenduak 28, gospel kontzertua izango da San Nikolas elizan, 19:30ean hasita, Udalak antolatutako Gabonetako programazioaren barruan.

The Upper Room 2005. urtean sortu zuten Iñaki Miguel piano-jotzaileak eta Mikel San Jose kantariak. Geroztik kontzertu ugari eman dituzte Euskal Herrian; bikote gisa, hasieran, eta talde handiagoan, gero. Gaur egun, zazpikote batek osatzen du The Upper Room taldea: aipatutako bi sortzaileak; Andoni Etxebeste, bateria-jotzailea; Maria Soriazu, baxu-jotzailea; eta Karlos Etxaniz, Santi Romano eta Olatz Otxoa abeslariak.

Lehenago ere izan dira Orion kantatzen —azkenekoz, 2016ko Gabonetan— eta harrera ona izan dute.

Haur-parkea goiz eta arratsaldez

Urtero bezala, aurten ere haurrentzako parkea antolatu du Udalak Karela kiroldegian. Aurtengoa ostiral honetan izango da, goiz eta arratsaldez.

Goizean 11:00etan zabalduko ditu ateak eta 13:30ean itxi. Arratsaldez, berriz, hau izango da ordutegia: 16:30etik 19:30era.

Sarrera doan izango da.

 
 

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!