Zumaian, eskolarteko ibilaldi neurtua antolatu dute martxoak 10, igandea. Irteera Eusebio Gurrutxaga Enparantzatik izango da 8:30etik 9:00etara bitartean. Bi ibilbide posible izango dira; luzeak 13 kilometro izango ditu eta laburrak, 10. Tartean atseden gunea ere izango da, Elorriagako zelaietan.
Ibilaldian, Gipuzkoako ikastetxeetako ikasle guztiek parte hartu ahal izango dute izen-emanda egon edo ez. Interesatuak, Zaraguetan eskolan edo Herri Ikastolan eman beharko dute izena. Talaimendiko kideek herritarrak animatu nahi dituzte familian eta lagun artean mendiaz gozatzera.