Orioko Danbolin Musika Eskolak (Iturbide kalea, 18) ate irekien jardunaldia egingo du ostiralean, maiatzak 3. Arduradunen arabera, eskola "barrutik ezagutzeko aukera" izango dute bertaratzen direnek. Ikasketa planaren berri emango dute, eta matrikulazioaren inguruan ere hitz egingo dute, zalantzak argitzeko.
Bi txandatan antolatu dituzte ostiraleko bisitak. 17:00etan 4 urtetik 6 urtera bitarteko haurrentzako eskaintzaren inguruan arituko dira, eta 18:00etatik aurrera, 7 urtetik aurrerako haurrei zuzendutako eskaintza izango dute ardatz. Ordubete inguruko bisitak izango dira biak.
Interesa dutenak telefono bidez ere jarri daitezke harremanetan eskolako arduradunekin, 943 833 727 zenbakira deituta.