Euskabaret Ibiltaria taularatuko da Etxeluzen maiatzaren 10ean

Euskabareteko kideek "euren biziak, ametsak eta amesgaiztoak elkarbanatuko dituzte. Argiak eta itzalak. Agurrak eta ongietorriak. Enkajea, lentejuelak eta ezpain gorriak". 22:00etan hasiko da Etxeluze Gaztetxeko emanaldia.

Euskabaret Ibiltariak ikuskizuna eskainiko du Orioko Etxeluze Gaztetxean. Maiatzaren 10ean, ostirala, izango da, eta 22:00etan hasiko da emanaldia. 5 euro balioko du sarrerak. 

Hona hemen Euskabareteko kideek argitaratutako sinopsia:

"Urteak itxita daramatza Dumontarren kabaret zaharrak, baina Rose eta Juliettek ateak berriro irekiko dituzte. Lokal horretan hainbat artista arituko dira bezeroen egonaldia arintzen. Baina artista hauen egonaldia ez da arina izango. Teilatu desberdinen azpian jaioak eta berdinaren azpian elkartuta, euren biziak, ametsak eta amesgaiztoak elkarbanatuko dituzte. Argiak eta itzalak. Agurrak eta ongietorriak. Enkajea, lentejuelak eta ezpain gorriak. Bertan emango diren tirabiren lekuko izango da ikuslea, Cedric Flamcourtek gidatuta".

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!