Larunbatean egingo dute Orioko Mendi Lasterketa

Larunbatean egingo dute Orioko Mendi Lasterketa

Bi ibilbide bereiztuko dituzte aurten, 11 kilometrokoa eta 22 kilometrokoa, eta Orio inguruko mendialdea zeharkatuko dute parte hartzaileek. Guztira, 550 pertsonak eman dezakete izena gehienez.

Orioko Herri Ikastolaren eskutik, datorren larunbatean, maiatzak 11, egingo dute Orioko Herri Lasterketa. Bi ibilbide izango dira aurten; 11 kilometrokoa eta 22 kilometrokoa, eta Orio inguruko mendialdea zeharkatuko dute parte hartzaileek. 16:00etan emango diote hasiera probari, eta Orioko Herri Ikastola izango da irteera eta amaiera puntua.

Antolatzaileek azaldu dutenez, guztira 550 pertsonak eman dezakete izena gehienez; 350ek ibilbide luzean eta 200ek motzean. Ostegun honetan, maiatzak 9, itxiko dute izen-emate epea. Momentuz, ondorengo webgunean egin daiteke inskripzioa.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!