Gaur abiatu da euskal presoen eskubideen aldeko martxa Luhusotik, eta Zarautzen amaituko da aurreneko etapa. Sarek antolatutako ekimena Oriotik ere pasako da, eta nahi duten herritarrek zubian egingo dute bat bizikleta martxakoekin.
Euskal presoen aldeko bizikleta martxa antolatu du Sarek datozen egunetarako. Hainbat etapatan banatuta egingo dute Gernikara arteko bidea, eta gaur du lehen eguna. Luhusotik atera dira parte hartzaileak, eta Zarautzen amaituko dute gaurko ibilbidea.
Oriotik pasako da martxa, eta animatzen diren herritarrek zubira agertu behar dute, 17:45erako. Bihar, Zarauztik Getariara eta Zumaiara jarraituko du bizikleta martxak.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!