Otsailaren 1-2ko astebururako eski irteera antolatu du Txurrumuskik Luz Ardiden eski estaziora. DBH 1. mailatik 4. mailara bitarteko gazteei zuzenduta dago, eta bertan parte hartu nahi dutenek Ametsa gaztelekuan jaso beharko dituzte bete beharreko agiriak. Irteera 95 euro kostako da.
Irteeran parte hartzeko, izen-emate orria beteta, Ertzaintzan sinatutako baimen orria, osasun txartelaren kopia, eta ordainketa agiria entregatu beharko dira, urtarrilaren 20rako. Eski irteeraren inguruko argibide gehiago nahi dituztenek gaztelekuan izango dute aukera, bertan baitakizkite irteeraren inguruko xehetasun guztiak.