Orion ez da kalera ateratzeko ordutegirik jarraitu beharko, datorren astetik aurrera

Alarma egoera luzatu nahi zuela iragarri zuen atzo Pedro Sanchez Espainiako presidenteak, eta gaur beste neurri bat jakinarazi du, autonomia erkidegoetako presidenteekin egindako bileran: 10.000 biztanle baino gutxiago dituzten herriek ez dute ordutegirik izango.

Pedro Sanchez Espainiako Gobernuko presidenteak autonomia erkidegoetako presidenteekin egindako bileran jakinarazi duenez, bertan behera geratuko dira herritarrak kalera ateratzeko ordutegiak 10.000 biztanletik beherako herrietan, tartean Orion. Eguerdian eman du erabakiaren berri, eta Hego Euskal Herrian 37 udalerritan eragina izango du neurriak.

Adin tartearen arabera kalera ateratzeko ordutegiak maiatzaren 2an ezarri zituen Espainiako Gobernuak, konfinamendutik pixkanaka ateratzeko neurri gisa. Hasiera batean, 5.000 biztanletik beherako herrietan aplikatzen zen, eta orain 10.000tik beherakoetan izango da indarrean.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!