Aurrerantzean Salud Teneriferekin jokatuko du orain arte Aiala Zarautz eskubaloi taldeko jokalari izan den Maria Zalduak. Gaur bertan eman du Kanariar uharteetako taldeak bere webgunean 18 urteko jokalariaren fitxaketaren berri.
Zalduak estreinako aldiz jokatuko du Liga Iberdrola Ohorezko Mailan. "Fitxaketa honi esker, goi mailan jokatzeko eta esperientzia hartzeko aukera izango dut", adierazi du jokalariak. Gustura agertu da, talde berriak beragan jarri duen konfiantzagatik.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!