Bai udaletxean eta bai kultur etxean nahitaez garbitu beharko dira eskuak gel hidroalkoholikoarekin sartzerakoan eta irteterakoan, eta maskara ere nahitaez erabili beharko da eremu komunetan eta bi metroko distantzia zaindu ezin denean. Bi eraikin publiko horietan eskailerak estuak dira eta ez dute aukerarik ematen bi metroko distantzia zaintzeko. Horregatik da beharrezko maskara janztea. Udaletxean, gainera, banaka jo behar dute herritarrek harrera-lekura eta, jendea pasilloetan ez pilatzeko, txanda itxoiteko tokiak markatu ditu Udalak, eskaileretan eta udaletxeko sarreran.
Azken asteotan hitzordua hartu behar zen, udaletxera joateko, baina, astelehenetik aurrera, berriz irekita izango ditu ateak betiko ordutegian: 08:30etik 14:30era.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!
Izan zaitez KARKARAko laguntzaile!