Atzo Orio Arraunketa Elkarteko emakumezkoak sailkatu ziren bezala, gaur gizonezkoek bete dituzte lanak Kontxako Banderako sailkapen estropada. Orioko txalupa hirugarren aterako da arratsaldeko sailkatze estropadan, gaurko denbora onena (19:45,18) ezarri duen Zierbenaren atzetik. Jon Salsamendik gidatzen duen taldeak estropada txukuna osatu du, eta bigarren izan da, lehengoarengandik ia lau segundora.
Gainerako sailkatuak izan dira Hondarribia, Santurtzi, Urdaibai, Cabo eta, ezustekoa emanez, Zarautz; azken hauek hamahiru urte geroago, berriro izango dira Kontxan. Ohi bezala, Donostiarra zuzenean sailkatu da.
Aupa mutilak! Gaur zuen txanda. Zuekin gaude. Gaur ere itsasoa bare dago! Kontxan berotzen! Hastera goaz! #mirotza #aupaorio pic.twitter.com/Pyp8aMWc9N
— Orio AE (@CRO_OrioAE) September 3, 2020