Hezkuntza greba jarraipen zabala ari da izaten Orion eta Aian

Orioko Herri Ikastola, ikasturteko aurreneko egunean.

KARKARAk bildutako datuen arabera, Zaragueta Herri Eskolan, Orioko Herri Ikastolan eta Aiako Lardizabal Eskolan irakasleen gehiengoak jo du grebara.

Gaur greba egitera deituak daude hezkuntzako langileak zein ikasleak. Ikasgeletara aurrez aurreko itzulera "seguru eta adostua" eskatzeko deitu dute grebara LAB, ELA, Steilas, CCOO eta UGT sindikatuek. Ikasleei, berriz, Ikasle Abertzaleak erakundeak egin die mobilizatzeko deia. KARKARAk oraingoz bildu dituen datuen arabera, Orioko eta Aiako hezkuntza zentroen gehiengoak bat egin du grebarekin.

Portzentaiei dagokionez, Zaraguetan eta Ikastolan irakasleen %70-%80 artean izango da greban gaur. Aiako Lardizabal Eskolan, berriz, hezitzaileen %100ak egin du bat deialdiarekin, baina zerbitzu minimoak ematera derrigortu dituztenez, 4 irakasle daude ikastetxean.

Aiako Kimu haurreskolan, berriz, ez du jarraipenik izan grebak.

 

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!