Ekain Zubizarretak hitzaldia emango du gaur Donostiako Intxaurrondo Kultur Etxean, 2018an Afrikako hegoaldean egindako sei hilabeteko egonaldiaren inguruan. Ekimenean izateko interesa dutenek, aurretik eman beharko dute izena intxaurrondokulturetxea@donostia.eus postaren bidez edo kultur etxean bertan.
Zubizarretak horrela aurkeztu du gaurko saioa:
"2018an 6 hilabete eman nituen Hegoafrikan ikasketak zirela eta. Egutegia ondo antolatu eta bidaiatzeko tartea ere topatu nuen: Lesoton ia 3 aste egin nituen atzera eta aurrera eta beste hainbeste Hegoafrikan. Argazki eta bideoen laguntzarekin, Afrikaren hego muturreko bi herrialde horietako bizipenak kontatzeko gogoz izango naiz Intxaurrondon".