Mobilizazio astea izaten ari da ostalaritzan. Astebete igaro da Eusko Jaurlaritzak ostalaritzako establezimenduak ixtea agindu zuenetik, eta ordutik, hainbat mobilizazio egin dituzte eskualdeko ostalariek, Zarautzen barne. Zurekin Ostalarien Elkarteak elkarretaratzera deitu zuen atzorako, hilak 11, eta asteburuan ere izango dira protestak. Hain zuzen, kazerolada antolatu dute larunbaterako, 12:00etan Lege Zaharren Enparantzan.
Zurekinek Orioko eta Getariako ostalariei ere luzatu die mobilizaziora batzeko deia, “guztien artean, egoerari aurre egiteko indar gehiago izateko”.