Arrakasta edukitzen ari dira Orioko Udala abenduan antolatzen ari den kultur ekitaldiak. Edukiera mugagatik beharbada, kontua da sarrerak azkar amaitzen ari direla azkenaldian. Abendu amaierako antzezlan emanaldian ere, gehienez 70 lagunentzako tokia egongo da, eta Udalak herritarrei esan die bizkor ibiltzeko sarrerak hartzen.
Losers. Galtzaileak antzezlana da taularatuko dutena Arraunetxen. Jon Plazaola eta Aitziber Garmendia aktoreak dira protagonistak, eta Txalo Produkzioak taldea da ekoizlea. Sarrerak ostegunean, hilak 17, jarriko dituzte salgai Kultur Etxean, 16:00etan.
Emanaldia, berriz, hilaren 30ean izango da, 19:00etan, Arraunetxen. Irakurri hemen antzezlanaren sinopsia.