Albiste hau atzoko egunez (abenduak 28) asmatutakoa da.
Orioko Gabonetako argiek Gipuzkoako Foru Aldundiaren Gabonetako Argien V. Lehiaketa irabazi dute. 2015. urtean jarri zuten martxan txapelketa, Gabonak apaindu eta herritarrak alaitzeko helburuarekin. Aurtengoa da Oriok irabazten duen lehena.
Atzo, abenduak 27 izan zen sari banaketa, COVID-19aren egoera dela eta ezin izan zuten era presentzialean egin ekitaldia azken urteetan bezala, horregatik, streaming bidez eman zuten irabazleen berri. Sariaren irabazle atera dela erakusten duen diploma eman zioten Orioko herriari, jada jarri dute udaletxeko Udalbatzarren aretoan, bestetik 15.000ko diru laguntza jasoko du Udalak, argietan egindako inbertsioan laguntzeko.
Originaltasuna nagusi
Gipuzkoako Foru Aldundiko kultura teknikariak sari-banaketa ekitaldian azaldu zuenez, Orioko gabonetako argiak "berritzaileak eta originalak" izateagatik lortu dute lehen postua: "Orio herri arrantzalea izanik, Eusko Gudari kaleko eta Herriko plazako arrain formako argiek, herriari itsas kutsua ematea lortu dute". Horrez gain, itsasontziei jarritako sare argidunak ere aipatu zituzten, "inon ikusi ez diren" apaingarriak direla azalduz.
Lehenengo sariaz gain bigarren eta hirugarren postuak ere izendatu zituzten, nahiz eta azken hauek ez duten sari ekonomikorik jasoko. Orioren atzetik geratu zen Errezil "sinpletasuna" izan zen saritu zutena. Hirugarren postuan berriz, Beasain izan zen, pasa den urteko irabazlea.