2017an Balira bidaiatu nuen, Jaione Ilarramendirekin batera. Egun batez tximeleta parke batera egin genuen bisita. Ehunka tximeleta espezie bizi ziren bertan. Berezi sentitzen ditut intsektu dotore hauek; beraien mundu txikian murgiltzeko aukera oso aberasgarria eta polita iruditu zitzaidan. Ez dakit esaten zenbat tximeleta bizi ziren parke hartan, baina ikaragarri ziren, alde batetik bestera hegan, mila kolore... Gizakiekin beldurtuta zeudela nabari zen. Bat-batean, ordea, hegan zebilen horietako bat Jaioneren behatz gainean pausatu zen, geldirik, estatua balitz bezala. Momentu berezi hura argazki batean harrapatzea lortu genuen, eta hauxe da emaitza.
Iker Gozategik argitara emandako argazkia eta testua, KARKARAren 424. zenbakiko 'Izpiak eta hizkiak' atalean.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!
Izan zaitez KARKARAko laguntzaile!