Zabalik da Aitor Sarasua I. Bertso-paper Lehiaketara lanak bidaltzeko epea

Bertsularien lagunak elkarteak antolatu du lehiaketa helduentzat eta gazteentzat, eta otsailaren 28a izango da lanak bidaltzeko azken eguna.

Martxan da Aitor Sarasuaren omenezko bertso-paper lehiaketaren aurreneko edizioa. Antolakuntzak bertsolari heldu zein gazteei zuzendutako ekimena abiatu du, eta adinaren araberako bi mailatan sailkatuko dituzte parte hartzaileen bertsoak.

Helduen mailan, bertsolariek gutxienez 6 bertso bidaliko beharko dituzte, eta gehienez hamar. Hamasei urtetik beherako gazteek, berriz, gutxienez 4 eta gehienez 8 bertso bidali beharko dituzte. Bi mailetako parte hartzaile bakoitzak nahi beste bertso-paper aurkeztu dezake.

Xehetasun gehiago:

- Gaia: librea izango da, neurria eta doinua bezala.

- Epea: Otsailaren 28an itxiko da lanak bidaltzeko denbora tartea. Epaia, martxoaren 20an emango da jakitera.

- Lanak bidaltzeko helbidea: sarasua.lehiaketa@gmail.com

- Baldintzak: bertso guztiek berriak izan beharko dute, sekula argitaratu gabeak. Bertsoak testu arrunt edo pdf formatuan igorriko dira, bi dokumentutan; izengoitiz izenpeturiko "Bertso sorta" dokumentua eta egilearen xehetasuna dituen "Xehetasunak" dokumentua. Zein mailara aurkezten diren ere zehaztu beharko da.

- Sariak: Helduen mailan, 300, 200 eta 100 euroko sariak lehen hir sailkatuentzat. Gazteen mailan, Bertsolari Txapelketa Nagusirako sarrerak eta opariak.

- Informazio gehiago: +05 59 541504 / bertsularien-lagunak@bertsozale.eus

 

 

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!