Datorren asteartean ur-arketa bat konponduko dute Xixario erretegiaren inguruan. Izan ere, Orioko Udalaren esanetan, marea biziak direnean ura sartzen da arketan, eta asteartean egingo dituzte "ondo zigilatzeko" lanak, marea biziak orduan izango direla aprobetxatuta. Obrak goiz horretan bertan amaitzea aurreikusi du udalak.
Lanak egiten diren bitartean, baina, autoek ezingo dute eremu horretatik igaro, itxi egingo baitute 07:30etik 14:00etara. Denbora tarte horretan, hortaz, Txanka-hondartzako bidea erabili beharko da Oriotik irteteko.
Bestalde, udalak azaldu du astelehenean eta asteartean obrak izango direla Goiko Kaleko eraikin batean ere, Oa kalean. Bi egunez itxita egongo dira, beraz, Iturbideko 15-17 zenbakiak eta Oa kalearen zati bat.