Udalak iaz egin zuen diru-laguntza horiek eskatzeko deialdia, eta orain, maiatzaren 15era arte luzatzea erabaki du. Azaldu dutenez, herriko merkataritza eta ostalaritza sektoreetako establezimenduei laguntza eskaini nahi diete, izurritearen ondorengo errealitatean martxan jarraitu ahal izateko.
Diru-laguntza hauek, tabernetan eta dendetan egindako inbertsioak finantzatzera zuzenduko dira, beti ere koronabirusari aurre egiteko egindako gastuak badira: babeserako egindako inbertsioak, lokalak eta lan-moduak egokitzeko egindakoak, lan-erlazio berriak egokitzeko inbertsio teknologikoak…
2020ko martxoaren 14aren eta 2021eko maiatzaren 15aren artean egindako inbertsioak lagunduko dira diruz.
Pandemiak eragindako gastuei aurre egiteko laguntzak
Merkataritza eta ostalaritza sektoreetara zuzendutako laguntzak argitaratu zituen Udalak iazko azaroan, pandemiak sortutako inbertsio-premiak finantzatzen laguntzeko. Gipuzkoako Foru Aldundiaren Ekonomia Sustapeneko, Turismoko eta Landa Inguruneko Departamenduaren finantzazioa jaso du Udalak programa horretarako. Egoera epidemiologikoaren bilakaera ikusita, Aldundiak erabaki du inbertsio horiek egiteko epea luzatzea eta, horrenbestez, Orioko Udalak ere moldatu egin du dirulaguntzak eskatzeko epea. 2021eko maiatzaren 15era arteko epea izango dute Orioko dendari eta tabernariek inbertsioak egiteko eta eskaera aurkezteko.
Aurreko deialdiaren baitan aurkeztutako eskaerak egunotan ebatziko ditu Udalak. Eskatzaile berriek oinarri arautzaile hauen arabera aurkeztu behar dituzte beren eskaerak udaletxean: