Emakumezkoen A ontziak ezin izan zuen larunbateko garaipena berretsi atzo, Getariako uretan. Gipuzkoako Trainerillen Ligako laugarren jardunaldia jokoan, aurkari zuzena duen Donostiarra gailendu zitzaion oso gutxigatik; bigarren ontzia, berriz, seigarren sailkatu zen atzokoan.
Gizonezkoen A taldeak bosgarren egin zuen, Hondarribia jaun eta jabe izan zen estropadan, eta B taldeak, ligatik kanpo, laugarren bukatu zuen bere multzoan; San Juan B nagusitu zen.
Datorren larunbaten ligaren azken jardunaldia jokatuko da, eta ondoren saria banatuko dituzte. Era berean, aipatu estropada Gipuzkoako Txapelketarako sailkapenerako baliagarria izango da. Izan ere, igandean jokatuko dira Gipuzkoako Txapelketako finalak.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!