Zuhaitz Gurrutxaga Real Sociedad futbol-taldeko jokalari izan zen eta, orain dela urte batzuk, Futbolisto baten konfidentziak izeneko bakarrizketa prestatu zuen, futbolari garaiko anekdotak eta pasadizoak kontatzen zituena. Orain, bere lehen bakarrizketa hartako zati batzuk berreskuratu ditu eta beste ikuskizun bat osatu du, bizipen eta anekdota berriak gehituz.
FutbolisTOK saioa ekainaren 11n izango da, 19:00etatik aurrera, Arraunetxen, eta gaur arratsaldean jarriko dituzte sarrerak salgai. Aforo mugatua izango denez, 70 sarrera jarriko dira eskuragarri, eta 5 euro balioko dute txartelek.