Goizean goizetik gaur bero handia egingo zuela nabari zen, eta udaleku irekietako haurrek ur-jolasak egiteko aprobetxatu dute goiz eguzkitsua. Hala, herriko hainbat parketara joan dira urarekin jolastera.
Udaleku irekietan ohitura izan da aspalditik egun batean Bota Ura egitea; hau da, haur taldeak kalean ibiltzen dira batetik bestera balkoietatik ura botatzeko eskatuz. Aurten, ordea, izurritea eta, segurtasun protokoloak zorrotz bete behar dituzte udaleku irekietan, eta Bota Ura egin beharrean ur-jolasak egin dituzte talde txikitan banatuta. Goiza gustura pasa dute haurrek urarekin jolasean.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!