Eusko Jaurlaritzako Osasun Sailak kaleratu berri duen txostenaren arabera, Urola Kosta eskualdean atzo, asteartea, 51 kasu positibo hauteman zituzten PCR eta antigeno probetan. Orion, esaterako, positibo bat zenbatu dute azken orduetan eta herria eremu laranjan dago 342,47ko intzidentzia tasarekin. Aian, berriz, ez dute positiborik hauteman baina 251,89koa da tasa.
Zarautzen eta Zumaian atzeman dituzte positibo gehien. Zarautz eremu gorrian sartu da 428,32ko tasarekin; izan ere, han hemeretzi positibo hauteman dituzte. Hamasei positibo zenbatu zituzten atzo Zumaian, eta eremu gorrian jarraitzen du 1.017,60koa tasarekin. Zarautz bezala, azken positiboekin eremu gorrian sartu da Azkoitia. Atzo zortzi kasu atzeman zituen Osasun Sailak, eta 417, 26ko tasa du gaur-gaurkoz.
Azken egunetako positiboen eraginez, Azkoitia eremu gorrian sartu da; izan ere, azken hamalau egunetako 100.000 biztanleko intzidentzia tasa 417,26koa da gaur-gaurkoz. Azken astean 39 positibo zenbatu dituzte Azkoitian, eta horiek intzidentzia tasaren goraka ekarri dut berriz ere.
Azpeitian, bestalde, hiru positibo zenbatu dituzte eta 262,81eko tasarekin eremu horian jarraitzen du. Getaria ere eremu horian dago 212,01eko tasarekin; han atzo bi positibo detektatu zituzten. Errezilen eta Zestoan, aldiz, positibo bana atzeman dute azken orduetan. Zestoa –179,76ko tasa– zein Errezil –161,03ko tasa– eremu horian daude. Aizarnazabalen –390,12ko tasa– eta Beizaman, berriz, ez dute positiborik zenbatu.
Hildakorik ez azken asteetan
Hego Euskal Herrian azken bi asteetan ez da izan COVID-19ak eragindako hildakorik. Kasuak berriz ere gora egiten ari badira ere, ospitaleetako ZIUak ere egonkor mantentzen dira. Atzo egindako probetan 1.521 positibo hauteman zituzten, herenegun baino 249 positibo gehiago. Nafarroan detektatu zituzten atzo positibo gehien: 532, guztira. Lurralde horretan 3.232 test egin zituzten, eta beraz, positibotasun tasa %16,5ekoa izan zen –herenegun %15,9koa zen–. Araban, Bizkaian eta Gipuzkoan, bestalde, 989 positibo atzeman zituen Osasun Sailak; lurraldeka, Araban 35 positibo hauteman zituzten, 462 Bizkaian eta 398 Gipuzkoan. Hala eta guztiz ere, lurralde horietatik kanpo bizi diren 35 lagunek ere positibo eman zuten. Guztira, 11.651 proba egin zituzten, eta beraz, positibotasun tasa %8,5ekoa izan zen.
Ospitaleen egoeraren berri ere eman dute Osasun Sailak eta Osasunbideak. Gaur-gaurkoz 99 pertsona daude Osakidetzaren mendeko erietxeetan ospitaleratuta –atzo 87 ziren–, eta 31 Nafarroako ospitaleetan; 31 lagun ospitaleratu dituzte azken orduetan Araban, Bizkaian eta Gipuzkoan eta lau Nafarroan. ZIUetan daudenak, aldiz, 26 dira Araban, Bizkaian eta Gipuzkoan –23 ziren atzo– eta hamar Nafarroan.
Araba, Bizkai eta Gipuzkoako intzidentzia tasak, bestalde, 31 puntu egi