Kalakan musika taldeak kontzertua emango du larunbatean, hilak 21, Orioko plazan. 20:00etan hasiko da emanaldia, eta doan izango da. Udalak aulkiak jarriko ditu kioskoaren azpian, distantziak eta errespetatuta.
Kantu herrikoien moldaketa minimalistak egiten ditu Kalakanek, txalaparta, atabala, danborrak edota ahotsa erabilita. Pierre Sangla, Xan Errotabehere eta Jamixel Bereau musikariek osatzen dute taldea. Paxkal Indo eta Thierry Biscary txalapartariek sortu zuten 2009an, baina aldaketa ugari izan du geroztik.
Artizar da kaleratu duten azken diskoa, eta musika elektronikoa ere gehitu diete kantu tradizionalei. Beraien errepertorioko abestiez gain, disko berrikoak ere joko dituzte Orion.