Udalak uda garairako prestatutako programazioaren barruan, hainbat film proiekzio izango dira abuztuan ere. Horien artean da ostiralean, hilak 20, hondartzan proiektatuko duten Bihurri. Jauretxetik kale gorrira haurrei zuzendutako euskarazko filma.
Kale gorrian geratu den txakur aristokratiko bati eta abeslari eta musikagile izan nahi duen neska gazte bati buruzko film luzea da. Bihurri txakurraren jabe aberatsa hil eta gero, kalean abandonatutako geratuko da, Zoek etxera eramaten duen arte. Andre zahar milioidunak, bestalde, bere ondasun guztien oinordeko izendatu duenez, haren iloba diru-goseei iheska ibili beharko du txakurrak, herentzia berenganatzeko erabili nahi dute-eta.
Euria egiten badu, plazan
Eguraldi txarra eginez gero, Herriko Plazara lekualdatuko dute filma. Udalak jakinarazi du doakoa izango dela emanaldia, eta aulkiak jarriko dituela beharrezko distantziarekin filmaz behar bezala gozatzeko.