Gipuzkoako Txapelketak ez du etenik, eta asteburu honetan ere Orio Pilota Elkarteko pilotarien partiduez gozatzeko aukera izango da herriko frontoian. Alde batetik, Kluben arteko Txapelketako ligaxkako azken txanpan sartuta, nagusiak ariko dira, eskuz. Bestetik, berriz, alebin eta infantil mailetako pilotariak. Horiek joan den asteburuan ekin zioten Errendimendu Txapelketari eta bigarren jardunaldia jokatuko dute oraingoan. Honakoak dira asteburuan Orioko Udal Pilotalekuan jokatuko dituzten neurketak:
Urriak 22, ostirala, 20:00etan hasita:
- Alebinen bigarren mailan, eskuz banaka: Orio (Goikoetxea) - Ilunpe (Aranguren)
- Alebinen bigarren mailan, eskuz banaka: Orio (Kaperotxipi) - Pgazpe (Jauregi)
- Nagusien lehen mailan, eskuz binaka: Orio (Orbegozo eta Aranalde) - Lapke 1 (Lazkao)
Urriak 23, larunbata, 10:00etan hasita:
- Infantilen bigarren mailan, eskuz banaka: Orio (Amilibia) - Añorga (Arakama)
- Infantilen bigarren mailan, eskuz banaka: Orio (Aizpuru) - Oiarpe (Caetano)
- Infantilen bigarren mailan, eskuz banaka: Orio (Sukia - Izurun (Iraeta)