Kuraia Orio taldeko Diego Caballerok Euskal Herria K1 txapelketa jokatuko du larunbatean

Manex Barral izango du aurkari Caballerok, Zarauzko Aritzbatalde kiroldegian 18:00etatik aurrera egingo den kick boxing lehiaketan.

Euskal Herria K1 Basque Country jaialdia antolatu dute larunbat honetarako, Zarauzko Aritzbatalde kiroldegian. Guztira, hamabost borrokaldi jokatuko dituzte, 18:00etatik aurrera, baina ekitaldiko lehia garrantzitsuena Nora Perez zangotzarraren eta Sandra Perez donostiarraren artekoa izango da. Profesional mailakoa, alegia.

Ekitaldian zehar, K1 Basque Country Torneoa jokatuko dute hainbat borrokalarik kanporaketa sistema bidez. Gainerakoan, buruz buruko hainbat erakustaldiekin osatuko dute jaialdian. Horien artean, Kuraia Orio taldeko Diego Caballero zarauztarrak eta Joseba Cilveti Zarauzko bizilagun donostiarrak hartuko dute parte; lehenak Manex Barralen aurka, eta bigarrenak Markelen aurka.

Sarrerak 15 euro balio du, eta aurrez eros daiteke Kuraia Zarautzen eta Orioko Kabi tabernan.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!