Ibil Bedi taldearen kantaldirako sarrerak eskuragai daude jada kultur etxean

Datorren ostiralean eskainiko du saioa talde nafarrak, Arraunetxen. Sarrerak bost euroren truke eskura daitezke. 

Ibil Bedi pop talde nafarrak Orion eskainiko du emanaldia datorren ostiralean, eta dagoeneko salgai daude sarrerak kultur etxean, bost euroren truke. 19:00etan izango da kantaldia, Arraunetxen.

2018an sortu zuten boskotea, eta, martxoaz geroztik, Beltxarga beltza bigarren diskoko kantak aurkezten ari dira Euskal Herrian barrena. Baxua, teklatua, gitarra, biolina eta saxofonoa izango dira entzungai Orion.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!