Martxoko kultur programari bukaera emateko, asteazken honetan ipuin kontaketa saioa egingo du Pello Añorgak, Korrika Kulturalaren barruan.
Antolatzaileek azaldu dutenez, 5 eta 8 urte bitarteko haurrei zuzendutakoa da Pello Añorgaren emanaldia. Asteazkenean egingo dute, kultur etxeko areto nagusian, 18:00etatik aurrera. Doakoa da sarrera, baina jakitera eman dutenez, aurretik gonbidapen txartela hartu behar da kultur etxeko harreran, eta horiek dagoeneko eskuragarri daude.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!