Duela minutu gutxi bukatu da Orioko Korrika Txikia. Hondartzatik abiatu, herrian barrena ibili eta Anibarko Portura arte, eskuz esku ibili dute lekukoa herriko ikasleek. Pandemia dela eta, burbuilak mantenduz egin dute ibilbidea, eta bukaeran ez dute plazan ekitaldi jendetsurik egin, baina euskararen aldeko oihuak ozen entzun dira herri guztian. Furgonetatik ondo esan duten bezala, 05:00ak aldera iritsiko da 22. Korrika herrira. Bitartean, 18:30ak aldera hasita, eta giroa berotzen joateko, Korrikapoteoa herriko tabernetan.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!