Bertso hauek jarri dizkio Patxi Etxeberriak maiatzaren 7ko jaialdiari:
Bi mila ta hogeita
bigarren urtean,
maiatzaren zazpia
zan larunbatean,
ni ere hantxe nintzan
askoren artean,
Orioko herriko
arraun alkartean.
----
Oriotikan egin
zidaten gonbita:
Patxi zu etortzea
nahi deguna baita
ezetza esaterik
ez genuen nahi ta
oso pozik joan ginan
semea ta aita.
---
Lasai egin genduan
herrian sarrera,
jakinik ginoazela
leku ederrera,
ezeren faltik ez zan
handikan aurrera,
gutxik egin didate
halako harrera.
---
Aspaldi Oriotik
bizi naiz aparte
nahiz ta oso urruti
ez dagon Lasarte,
gora oriotarrak
portatu zerate,
ez naiz ahaztuko buruz
ondo naizen arte.
---
Luzaroan ez nintzan
Oriora joaten,
zailtasun batzuk ere
izan ditut tarten,
baina bisitatxo bat
egin dizut aurten,
besoak zabalduta
hartu ninduzuten.
---
Ta orain amaiera
hasi dedan lanai,
zuretzat aspergarri
ez nuke izan nahi,
zuek jarrai zazute
jator eta alai,
agur ta musu bana
oriotar danai.