Pozarren azaldu da Anuska Esnal Orioko alkatea festen itzulerarekin: "Bi urteren ondoren, musukorik gabe eta jendartean lasai egon ahal izango gara", azaldu du prentsaurrekoan. Horretarako, "egitarau oparo eta anitza" iragarri du Udalak; eragileak, "emakumeen eta musika urbanoaren ikusgarritasuna" eta "kaleko alaitasuna" ardatz izango dituena.
Ekainaren 28an eta 29an, 22:00etatik 02:00etara indarkeria sexistarik gabeko gunea jarriko dute plazan, Puntu morea. Gainera, aurtengo jaietan berrikuntza bat izango dela azaldu du Xabier Ibarguren kultura batzordeburuak: barraketako musika ekipoak bateratuak izango dira, Udalaren irizpideen arabera.
EKAINAK 28, SAN PEDRO BEZPERA
- 10:30etik 13:00etara, jubilatuen hamaiketakoa Zaharren Babeslekuan.
- 16:00etatik 19:00etara, Zarata erakusketa interaktiboa LGTBI+ kolektiboaren inguruan kultur etxean, Ahalduntze Eskolak antolatuta.
- 15:00etatik 20:30era, 3x3 Futbol Txiki Txapelketa, Mendibeltz zelaian, Zaragueta Herri Eskolak antolatuta.
- 19:00etan, Pello eta Nikolasa erraldoien eta buruhandien kalejira herrian barrena.
- 19:30ean, txupinazoa. Bertan parte hartuko dute Danbolin bandak, Harribil dantza taldeak eta Salatxo abesbatzak.
- 20:00etan, Danbolin bandaren kontzertua, Herriko Plazan.
- 22:00etan, Dupla, Xsakara eta Kai-Nakai, Herriko Plazan.
EKAINAK 29, SAN PEDRO EGUNA
- 06:00etan, Gaupaseroen argazkia Oa kaleko eskaileretan.
- 10:00etatik 13:00etara, haurrentzako herri-kirolak pilotalekuan, Kahos Team Company elkartearen eskutik.
- 12:00etan, meza nagusia eta kontzertua elizan, Salatxo abesbatzaren parte-hartzearekin.
- 12:30ean, Trikitixa Txapelketa, Herriko Plazan.
- 17:00etan, Pilota Txapelketako finalak, Ospele kirol-klubak antolatuta.
- 17:00etan, alebinen estropada, Orio Arraunketa Elkarteak antolatuta.
- 18:00etan, Pello eta Nikolasa erraldoien eta buruhandien kalejira, herrian barrena.
- 19:00etan, Sokadantza eta txistulariak, Herriko Plazan.
- 19:30ean, Incansables txaranga kalez kale.
- 22:30etik 10:00etara, erromeria Bide Batez taldearen eskutik.
EKAINAK 30, UMEEN EGUNA
- 10:30etik 13:30era, umeentzako puzgarri eta jolasak pilotalekuan.
- 11:00etatik 13:00etara, pintxo hotzen lehiaketa Herriko Plazan, Orioko Herri Ikastolak antolatuta.
- 12:30ean, gaztetxoen dardo txapelketa 14 urtetik beherakoentzat, Bikamiotan.
- 12:30ean, Txorotxaranga kalez kale.
- 14:00etan, 70 urtetik gorako oriotarren bazkaria.
- 16:30ean, helduen dardo txapelketa, Bikamiotan.
- 16:30etik 18:30era, uretako puzgarriak eta jolasak anbulatorio ondoko arranplan.
- 17:30ean, Mikra zirku garaikidea, pilotalekuan.
- 18:00etan, Estropu Festa Orioko Arraun Elkarteak antolatuta, Herriko Plazan.
- 18:30ean, Pello eta Nikolasa erraldoien eta buruhandien kalejira, herrian barrena.
- 19:30etik 22:00etara, Trikidantz kontzertua.
Aurrekontua
Orotara, Udalak 38.356 euro inguru bideratuko ditu jaiak finantzatzeko. Horietatik, 15.000 euro musika taldeentzat izango dira, 6.550 euro haurrei bideratutako jardueretarako, 6.269 euro azpiegituretarako, 4.817 euro kale-animaziorako, 3.640 euro kirolerako eta 2.080 euro bestelako kultur jarduerentzat.