Atzo jokatu zen 57. Behobia Donostia lasterketa, korrika-zale askok egutegian gorriz markatuta izaten duten proba. Aiako eta Orioko 97 lagunek parte hartu zuten, 82 oriotarrek eta 15 aiarrek, hain zuzen ere.
Oriotarren artean, Aitor Etxeberria izan zen azkarrena, ibilbidea 01:04:47 denboran osatuta, 12 postuan sailkatu zen senior mailako gizonen kategorian. Iñigo Expositok ere emaitza bikaina lortu zuen maila horretan, 1:07:27 denborarekin, 35. postuan sailkatuta. Ibai Makazaga eta Jokin Bellido, bestalde, 48. eta 67. postuetan sailkatu ziren, 1:08:01 eta 1:09:40 denborak eginda, hurrenez hurren.
Orioko emakumeen artean, berriz, Amagoia Iribar izan zen helmugara iristen lehena; 20 kilometroko ibilbidea 01:28,20 denboran osatu zuen eta 61. postuan sailkatu zen senior mailako emakumezkoen kategorian. Bestalde, gizonezkoen beterano mailan, seigarren postuan sailkatu zen Aitor Rubio, helmuga 1:07:54 denboran zeharkatuta. Eta gaztetxoen artean ere emaitza ona lortu zuen Jon Erkizia Sarasuak, 1:28:54 denborarekin, gizonezkoen junior mailan 18 postua sailkatu zen.
Aiarren artean, gizonezkoetan Mikel Usandizaga izan zen azkarrena: 01:11,06 denbora egin zuen eta 141. postuan sailkatu zen. Emakumezkoen artean, bestalde, Rakel Masero (01:51:29) izan zen helmugara iristen lehena.
Ikusi oriotarren sailkapen osoa honako loturan.
Ikusi aiarren sailkapena honako loturan.
Oharra: Aiarren sailkapena Zumaiarren sailkapenarekin batera ematen du sistemak.