Ohitura bihurtu da sanikolasetan gaztetxoen Kamel Ziani Krosa jokatzea, eta aurtengoan ere korrikalari gazte mordoa bildu du hitzorduak. Goizeko 10:30ean, eman diote hasiera lasterketari, eta kategoriaz kategoria adin-tarte bakoitzera egokitutako lasterketa osatu dute parte-hartzaileek. Infantil mailako neska-mutilak izan dira korrika egiten lehenak, eta jarraian alebin eta benjamin kategorietako korrikalariek hartu diete lekukoa. Orioko atletismo taldeko kide Aitor Rubiok "balorazio positiboa" egin du. "Goizean euri pixka bat egin duen arren, haur asko etorri dira krosean parte hartzera eta oso gustura gaude, lasterketa polita ikusteko aukera izan dugulako. San Nikolas jaiei jarraipena emateko hitzordu bikaina izan da gaurkoa".
Lasterketako emaitzak egunean zehar argitaratuko ditu KARKARAk.