Emaitza onak lortu ditu asteburuan Orio Arraunketa Elkarteak. Senior mailako traineruek Julian Enrikeren oroimenezko traineru jaitsiera parte hartu zuten atzo, eta emakumezkoen taldeak garaipena lortu zuen. Oriotarrak (15:02,18) nabarmen nagusitu ziren estropadan, bigarren sailkatu zen Hondarribiari 29 segundoko aldea aterata. Gizonezkoen estropadan, berriz, Hondarribia (20:55,53) izan zen azkarrena, eta hirugarren sailkatu zen Orioko taldea (21:20,27).
Bestalde, Orio Arraun Elkarteko gazteek Gipuzkoako Aulki Mugikorreko Ligako 4. jardunaldia jokatu zuten atzo, Legution. Guztira, 21 ontzi eta 68 arraunlari aurkeztu zituen txapelketara elkarteak, kadete eta infantil mailakoak, eta emaitza onak lortu dituzte gazteek: Sei ontzik beren kategorian denborarik onena egitea lortu zuten, hiru ontzi bigarren postuan sailkatu ziren eta ontzi bat hirugarren postuan.