Urtez urte inauteriak indarra hartzen ari dira herrian, eta oriotarrek gero eta jantzi dotoreagoak prestatzen dituzte egun hauetarako. Batzuk talde handitan, besteak txikitan, bikoteka, bakarka nahiz familian, irudimenez betetako mozorroak atera dituzte kalera, eta eguerdian giro ederra izan da. Oriotar askok, gainera, Burrunka elektrotxarangarekin batera zeharkatu dute herria, festa giroa zabalduz.
Jaiak, ordea, ez du etenik izango, inauterietako bazkari herrikoiaren ondoren, familientzako disko-festa izango delako Herriko Plazan.