Eskola umeei zuzendutako literatur eta marrazki lehiaketa antolatzen du Orioko Udalak urtero. Bada, bihar bukatuko da lanak aurkezteko epea. Interesatuek herriko bi ikastetxeetako zuzendaritzetan edo udaleko Euskara Zerbitzuan aurkeztu ditzakete beren lanak.
Lehen Hezkuntzako 3. maila eta Derrigorrezko Bigarren Hezkuntzako 4. maila arteko haur eta gazteek parte hartu dezake. Hiru modalitate zehaztu dituzte: marrazkia, ipuina eta olerkia. Oinarriak Orioko Udalaren atarian daude ikusgai.