Salatxo abesbatzak Nagusilanek antolatutako kontzertu solidarioan parte hartu zuen martxoaren 30ean, Donostiako Kursaalean, Kantakidetza, Kantuz eta Aiztondo abesbatzekin eta Musikeneko ikasleen orkestrarekin batera.
Kontzertua "arrakastatsua" izan zela eta "gogoz eta beren onena emanez" abestu zutela aitortu dute Salatxoko kideek. Herenegun, Nagusilanek kontzertuko irudiak biltzen dituen bideoa argitaratu zuen. Bertan, tamalez, ez dira abesbatzetako kideen ahotsak entzuten, baina egunean bertan Kursaalean izan zen giroa azaltzen du.