Aurreikusita bezala, estua izan zen OBBk eta CB Bacelona taldeen arteko lehia asteburuan. Lehen partidan, oriotarrak aurrerapausoak ematen hasi ziren Maialen Pisonek eta Esti Alvarezek bateatzen egindako lan onari esker, baina norgehiagokak aurrera egin arte ezin izan zuten garaipena lortu. 1-4 emaitzarekin irabazi zuen OBBk partida, eta taldeko arduradunek taldeak defentsan egindako lan ona azpimarratu du.
Jardunaldiko bigarren partida guztiz desberdina izan zela azaldu dute OBBko kideek, ordea. Hasieran, markagailuaren buruan jarri baziren oriotarrak, hirugarren sarreraren ostean, Bartzelonako taldeak 4-3 emaitzarekin aurre hartu zieten. Oriotarrek partidari buelta ematea lortu zuten, baina estua izan zen partida osoa. Azkenean, OBBk lortu zuen garaipena 8-9 emaitzarekin. Bigarren saio horretan, Carla Novellak egindako lana azpimarratu du taldeak, baita jardunaldi osoan Igone Etxeberriak egindakoa ere.
Datorren asteburuan, oriotarrek Zaragozako Miralbueno izango dute aurkari, Mendibeltzen.