Moilan oinezkoentzako pasabidea jartzeko lanak hasi ditu udalak. Horregatik, moilako errepidea trafikoari itxita egongo da hiru astez bi noranzkoetan, eta N-634 errepidetik herrigunera sartzen diren ibilgailuak Ibai Ondo kaletik irten beharko dira. Gainerako sarrera-irteerak Txanka-Hondartzako bidetik egin beharko dira.
Galiboa jarriko da
Udalak galiboa jarriko du Txistulari kalearen sarreran, Errusta tabernaren parean. Izan ere, Ibai Ondotik atera ahal izateko, ibilgailuek ezin dute bi metroko altuera gainditu (N-634 errepidea igarotzen den zubia dela-eta). Ondorioz, neurri hori gainditzen duten ibilgailuak Herriko Plazan harrapatuta geratu ez daitezen, hartuko da neurria, eta galiboa jarriko da.